10 të lënduar nga shpërthimi i zjarrit në ndërtesën kolektive në Ferizaj

Në Ferizaj, të dielën në mbrëmje, një ndërtesë kolektive u përfshi nga zjarri rreth orës 22:25. Dhjetë persona kanë pësuar lëndime trupore, përfshirë një zjarrfikës, dyshohet se zjarri kishte nisur te njësorët elektrikë të ndërtesës

Foto ilustrim

Së paku dhjetë persona, duke përfshirë edhe një zjarrfikës, kanë pësuar lëndime trupore nga zjarri që ka përfshirë një ndërtesë kolektive në Ferizaj.

Siç ka njoftuar Policia, rasti ka ndodhur gjatë mbrëmjes të së dielës rreth orës 22:25.

Të lënduarit janë dërguar për trajtim mjekësor në Qendrën Klinike Universitare të Kosovës.

Po ashtu, sipas njoftimit, përveç të të lënduarve ka edhe dëme materiale.

“Raportohet se në rrethana të panjohura është përfshirë nga zjarri një ndërtesë kolektive. Në vend ngjarje kanë dal njësitet e zjarrfikësve, njësitet policore dhe ato emergjente. Përpos dëmeve materiale lëndime trupore kanë pësuar nëntë qytetar dhe një zjarrfikës. Të lënduarit janë dërguar në tretman mjekësor në QKUK”, thuhet në njoftimin e Policisë.

Ky incident zjarri dyshohet se kishte filluar te njësorët elektrikë të kësaj ndërtese.

Njësia e Hetimeve në koordinim me prokurorin kujdestar ka filluar hetimet se si ka ardhur deri te ky incident.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika