Një zjarr shpërtheu në një shkollë me konvikt në një komunitet rural jashtë kryeqytetit të Ugandës, Kampala, në Afrikën Lindore, ku ka vrarë 11 njerëz, përfshirë fëmijë.

Këtë e ka bërë të ditur një zyrtar i policisë të martën, Luke Owoyesigire, i cili ka thënë se incidenti gjatë natës ndodhi në një shkollë për të verbërit në rrethin e Mukono, duke mos ofruar më shumë detaje.

Në një deklaratë, policia ka thënë se gjashtë persona të tjerë u shtruan në spital në gjendje kritike.

Po ashtu, sipas tyre, ende nuk dihet se çfarë e shkaktoi zjarrin në shkollën për të verbëritë Salama.

Fatuma Ndisaba, një zyrtare e lartë në Mukono, i ka thënë transmetuesit lokal NTV se viktimat, duke përfshirë fëmijë të moshës 7 dhe 10 vjeç, u dogjën duke e bërë të pamundshme identifikimin e tyre.

Një oficer mjeko-ligjor kalon pranë një konvikti të djegur në skenën e zjarrit në Shkollën Salama për të Verbërit në fshatin Luga, rrethi Mukono, Ugandë. E martë, 25 tetor 2022.

Me mbështetjen e familjeve, ajo ka thënë, trupat e viktimave do të identifikohen përmes hetimeve të ADN-së, raporton AP.

Incidentet e zjarrit në shkolla kanë qenë një shkak shqetësimi për zyrtarët e arsimit në vendin e Afrikës Lindore, ku klasat dhe konviktet shpesh janë të mbushura me njerëz.

Zakonisht nuk ka pajisje zjarrfikëse në vend, dhe zyrtarët ndonjëherë fajësojnë incidentet për lidhjet e dobëta me elektricitet.

Një nënë e njërit prej fëmijëve qan në skenën e zjarrit, në Shkollën Salama për të Verbërit në fshatin Luga, rrethi Mukono, Ugandë. E martë, 25 tetor 2022.

Dy konvikte në një shkollë me konvikt të njohur në Kampala u shkatërruan në incidente të veçanta në vitin 2020. Askush nuk u lëndua.

Në vitin 2008, 19 nxënës të shkollave fillore u vranë në një shpërthim zjarri gjatë natës në një shkollë me konvikt.