12 pushues nga Kosova helmohen në Shëngjin

Mjeku i Spitalit të Lezhës ka bërë të ditur se 12 pushuesit nga Kosova që ishin helmuar ditën e enjte në Shëngjin tashmë janë në gjendje të mirë shëndetësore

Foto ilustruese

Një grup prej 12 pushuesish nga Kosova, të cilët qëndronin në një hotel në Shëngjin, kanë përjetuar probleme shëndetësore dhe kanë përfunduar në spital të enjten.

Pas trajtimit mjekësor, ata tashmë janë jashtë rrezikut për jetën dhe janë liruar nga spitali i Lezhës.

Sipas informacioneve të dhëna nga spitali i Lezhës, pushuesit kanë shfaqur simptoma si marrje mendsh, dobësi e theksuar trupore dhe dhimbje koke, megjithatë nuk raportohet të kenë pasur të vjella.

Parametrat e tyre kishin qenë në përgjithësi të mira, përveç një tensioni të ulët.

Spitali i Lezhës ka thënë se pas trajtimit, ata janë liruar.

“Ditën e djeshme janë paraqitur në urgjencën e spitalit të Lezhës, rreth 12 persona që vinin nga një hotel, të cilët si ankesa kishin marrje mendsh, dobësi të theksuara trupore, dhimbje koke, por pa të vjella. Me parametra të mirë, përveç një tensioni të ulët, kur janë paraqitur në urgjencë, janë marrë analizat dhe i është dhënë ndihma mjekësore. Pasi i është dhënë ndihma, të gjithë janë përmirësuar dhe në përgjithësi analizat kanë dalë mirë. Aktualisht nuk ka të shtruar në spital, pasi kanë marrë ndihmën janë larguar nga urgjenca”, ka njoftuar një mjek për mediumin shqiptar, Top Channel.

Autoriteti Kombëtar i Ushqimit ka thënë se nuk bëhet fjalë për helmim nga ushqimet, por për një problem me preparatin e përdorur për dezinfektimin nga mushkonjat.

Dyshohet se ky preparat mund të jetë përdorur me një koncentrat të fortë, dhe gjatë periudhës së mungesës së energjisë elektrike nga ora 4 deri në 6:30 të mëngjesit, temperaturat e larta kanë bërë që ndikimi të jetë më i madh.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika