Ekipi i Kosovës për të rinj do të jetë pjesëmarrës në Festivalin Veror Olimpik Evropian për të Rinj (EYOF), duke filluar nga 24-30 korrik 2022.
Ky festival do të mbahet në qytetin Banska Bystrica të Sllovakisë. Ekipi i Kosovës përbëhet nga 13 sportistë nga shtatë sporte të ndryshme.
Sporti i atletikës përbëhet nga tre garues, xhudo, noti, tenisi dhe badminton përbëhet nga dy garues, ndërsa çiklizmi dhe gjimnastika artistike nga një garues.
Në këtë festival, pjesëmarrësit janë të moshës 15-18 vjeç.
Banska Bystrica 2022 ishte e planifikuar të mbahej vitin e kaluar, por është shtyer për shkak të pandemisë COVID-19 dhe shtyerjes së Lojërave Olimpike Tokyo 2020.
Në EYOF, Kosovën e ka përfaqësuar dhe tenistja e gjyqtarja, Blearta Ukëhaxhaj, e cila do të jetë në cilësinë e ambasadores së re olimpike. Ukëhaxhaj është e pëzgjedhur nga programi për Ambasadorët e Rinj Olimpik të Evropës (EYOA).