Dita Ndërkombëtare për Reduktimin e Katastrofave, shënohet më 13 tetor.
Shënimi i kësaj dite ka filluar nga viti 1989, pas një thirrje nga Asambleja e Përgjithshme e OKB-së, për të pasur një ditë në të cilën do të promovohet një kulturë globale e reduktimit të rrezikut nga katastrofat.
Organizata e Kombeve të Bashkuara atë kohë ka hartuar një Strategji Ndërkombëtare për Reduktimin e Katastrofave, e cila kishte për qëllim reduktimin e humbjeve njerëzore, sociale, ekonomike dhe mjedisore për shkak të rreziqeve natyrore, ndryshimeve klimatike, mjedisit dhe kushteve ekstreme të motit.
Vlen të kujtohet se në vitin 2015, në Konferencën e tretë botërore të OKB-së për reduktimin e rrezikut nga katastrofat në Japoni, komuniteti ka thënë se katastrofat më shumë godasin nivelin lokal, duke shkaktuar më shumë humbje jetësh dhe trazirash shoqërore dhe ekonomike.