Në Spitalin e Përgjithshëm të Pejës, gjatë ditës së djeshme (12 mars), janë kryer 15 operacionet më të ndërlikuara në shëndetësi. Këtë e ka bërë të ditur vetë ky institucion përmes një njoftimi në rrjetin social Facebook.
Spitali i Përgjithshëm i Pejës gjatë ditës së djeshme ka kryer gjithsej 575 vizita.
Vetëm ditën e djeshme kanë qenë të shtrirë 53 pacientë. Kanë kryer me sukses një lindje (një djalë), 294 pacientë kanë kryer 3 mijë e 492 analiza, 43 Dializa, 73 rëngene, 44 ultra zëra, 13 CT-ja, 13 rezonanca magnetike, 2 mamografi dhe 55 shërbime Fiziatrike.
“Heqja e një pjesë të sëmurë ose të dëmtuar të trupit, heqja e një trupi të huaj nga trupi, apo vendosja e duhur e një organi për të funksionuar siç duhet, janë operacionet më të ndërlikuara në shëndetësi. 15 operime të ngjashme janë kryer dje në Spitalin e Përgjithshëm në Pejë”, thuhet në një njoftim në rrjetin social Facebook.