Pesëmbëdhjetë persona kanë mbetur të vdekur dhe 22 të lënduar në një aksident rrugor në Turqinë juglindore.
Aksidenti ka ndodhur në mes të një autobusi dhe një ambulance, ka bërë të ditur guvernatori rajonal, të shtunën.
“Në total, 15 nga qytetarët tanë vdiqën dhe 22 u plagosën …. në një aksident që përfshin një autobus, një ekip urgjence dhe një ambulancë … midis Gaziantep dhe Nizip”, tha Davut Gul, guvernatori i provincës Gaziantep.
Ndërkaq, Agjencia e lajmeve “DHA” ka raportuar se një ambulancë, një kamion i zjarrfikësve dhe një autobus që transportonte gazetarë u goditën nga një autobus me pasagjerë.
🔴📸 Traffic accident in #Türkiye's #Gaziantep kills 15 people, injures 22 including journalists, fire fighters, paramedics.#Turkey #Nizip
📸 pic.twitter.com/JW3MwrNOXC— Mete Sohtaoğlu (@metesohtaoglu) August 20, 2022
“Tre zjarrfikës, dy punonjës të urgjencës dhe dy gazetarë janë midis të vdekurve,” ka bërë të ditur më tej guvernatori i Gaziantepit.
Fotot e DHA-së treguan pjesën e pasme të një ambulance të shqyer dhe mbeturinat metalike të shpërndara përreth saj.
