Sipas të dhënave nga Instituti Kombëtar i Shëndetësisë Publike të Kosovës, Ministria e Shëndetësisë ka njoftuar se nga 198 testime, 16 qytetarë kanë rezultuar pozitiv me COVID-19.
Tutje sipas njoftimit, gjatë 24 orëve të fundit, nuk është shënuar asnjë rast i vdekjes.
Në 24 orët e fundit janë dhënë 50 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.830.149 doza të vaksinës.
Deri në të shtunën e 18 qershorit, 823.550 qytetarë janë vaksinuar me dozën e dytë. Deri në të shtunën e 18 qershorit janë dhënë 103.070 doza përforcuese dhe doza të treta të vaksinës kundër COVID-19.
Të shtunën e 18 qershorit janë shëruar 8 qytetarë, derisa numri i përgjithshëm i të shëruarve është 225.282.
