Republika e Kosovës feston sot 18-vjetorin e shpalljes së Pavarësisë.
Më 17 shkurt 2008, Kuvendi i Kosovës shpalli vendin shtet të pavarur, sovran dhe demokratik.
Në këtë ditë të veçantë, institucionet shtetërore organizojnë një seri manifestimesh solemne dhe homazhesh në nder të figurave historike që kontribuan për lirinë e Kosovës.
Programi nis në ora 07:00 me ngritjen e flamurit, ndërsa në ora 10:30 pritet të mbahet edhe seancë solemne e Kuvendit të Kosovës.
Programi sipas njoftimit të Qeverisë, përfshin homazhe te varret e figurave të shquara si ish-presidenti Ibrahim Rugova dhe veprimtari Adem Demaçi, vizita në Kompleksin Memorial “Adem Jashari” në Prekaz, seancë solemne në Kuvend, parakalim të trupave të Forcës së Sigurisë dhe Policisë së Kosovës, si dhe koncert solemni nga Filharmonia e Kosovës.
Qeveria publikon programin e manifestimeve për 18-vjetorin e Pavarësisë