Dy persona janë gjetur në gjendje arresti kardiak, ndërsa shumë të tjerë vazhdojnë të rezultojnë të zhdukur në dy lokacione të goditura nga tërmeti në prefekturën Kumamoto, kanë konfirmuar autoritetet lokale.
Një zyrtar i Divizionit për Menaxhimin e Fatkeqësive në Kumamoto i tha BBC-së se në fabrikën Yatsushiro Plant të kompanisë Nippon Paper, dy persona “janë gjetur në arrest kardiak”, ndërsa nëntë persona të tjerë rezultojnë ende të zhdukur, shkruan BBC, transmeton Dukagjini.
Sipas të njëjtit zyrtar, nga qendra tregtare Aeon Mall janë shpëtuar katër persona, dhe gjendja e tyre nuk paraqet rrezik për jetën.
Megjithatë, 10 persona vazhdojnë të rezultojnë të zhdukur në qendrën tregtare.
Autoritetet e prefekturës kanë bërë të ditur gjithashtu se po verifikojnë raportimet për një rrjedhje gazi në zonën e prekur nga tërmeti.
Ekipet e shpëtimit dhe emergjencës po vazhdojnë operacionet e kërkimit në të dy lokacionet, ndërsa autoritetet po mbledhin informacione të mëtejshme për situatën dhe numrin e personave të prekur.