Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, të Shtunën ka informuar se nga 736 testime, 205 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Të shtunën janë shëruar 38 qytetarë, derisa numri i përgjithshëm i të shëruarve është 225 mijë e 496.
Ndërsa në total numri i rasteve aktive është 897.
Në 24 orët e fundit janë dhënë 71 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë një milion e 830 mijë e 686 doza të vaksinës.
Deri më sot 823 mijë e 765 qytetarë janë vaksinuar me dozën e dytë.
Ndërsa, doza përforcuese dhe doza të treta të vaksinës kundër COVID-19 janë dhënë 103 mijë e 262.