Nuk është një ditë e zakonshme për librarinë Dukagjini.
4 Maji shënon ditëlindjen e librarisë Dukagjini që këtë vit mbushi 22 vjet. Për nder të kësaj dite, libraria është përkujdesur që këtë festë ta ndaj edhe me dashamirësit e librit nëpërmjet surprizave të ndryshme.
Krahas dhuratave të shumta për lexuesin, këtë herë në qendër të vëmendjes ishte një ndër autorët më të mëdhenj të letërsisë shqipe, Fatos Kongoli i cili ishte i ftuari special i librarisë në këtë ditë të shënuar. Eventi mblodhi shumë adhurues të veprave të tij.
Ai tha se ndihet i lumtur dhe krenar me arritjet e tij duke treguar edhe fillimet e karrierës së tij, si shkrimtar.
Ky takim i cili u mbajt në ambientet e librarisë Dukagjini, kishte për qëllim që të mundësonte lexuesit takimin me shkrimtarin e njohur, dhe përmes bisedës të dinin më shumë për jetën dhe veprën e tij.
Ndër të tjera ai tha se idea është ajo se çfarë nevojitet në jetën e një shkrimtari dhe vetëm kështu mund të arrihet suksesi.
Nikoqire e mbrëmjes ishte Ilirjana Hasi, koordinatore, ku për të libraria Dukagjini është shtëpi e dytë tashmë prej shumë vitesh.
Ajo tregon se libraria Dukagjini çdo vit e më shumë po ecën përpara duke iu afruar edhe më shumë dashamirësve të librit dhe shoqërisë sonë nëpërmjet aktiviteteve të ndryshme.
Sebahate Çavdarbasha, librarisë Dukagjini nuk i është shkëputur që nga dita e parë. Për këtë përvjetor ajo ka një porosi dedikuar shoqërisë.
Ajo tha se ndihet e plotësuar kur sheh që qëllimi i librarisë po arrihet e i cili është të arrij të bëjë lexuesit për vete.
Takimet për nga afër me autorin, bashkëbisedimet, e fotografitë nuk munguan. Kështu edhe u përmbyll ditëlindja e 22-të e librarisë Dukagjini, për të vazhduar me punën, për të mos u ndalur për asnjë moment.