23 vjet nga masakra në Burgun e Dubravës

Brenda burgut janë vrarë 160 të burgosur shqiptarë dhe janë plagosur më shumë se 300 të tjerë

Burgu i Dubravës

Janë bërë 23 vjet që kur në Burgun e Dubravës ishte kryer një ndër masakrat më të mëdha në Kosovë nga regjimi serb.

Në pranverën e vitit 1999, kur forcat e Ushtrisë Çlirimtare të Kosovës po përballeshin me ashpërsinë e forcave serbe në çdo cep të Kosovës, Aleanca Veriatlantike (NATO), me urdhërin e presidentit të atëhershëm të Shteteve të Bashkuara të Amerikës, Bill Clinton, më 24 mars të vitit 1999 filloi bombardimet e para kundër caqeve ushtarake e policore serbe.

Burgu i Dubravës

Për humbjet që pësonin në frontet e luftës dhe nga bombat e NATO-s, ushtria dhe policia serbe, si hakmarrje kishte nisur të kryejë malltretime, dhunime, vrasje e krime mbi popullatën civile dhe mbi të burgosurit shqiptarë.

Në maj të vitit 1999, pushteti serb kishte organizuar një krim të planifikuar mbi të burgosurit shqiptarë në Burgun e Dubravës, i cili në atë kohë ishte burg i sigurisë së lartë.

Masakra e Dubravës, 1999 /Foto: Ridvan Slivova

I njëjti, gjatë luftës së fundit në Kosovë përdorej edhe si vend strehimi i forcave policore, ushtarake e paramilitare të Serbisë.

Skica e Burgut të Dubravës

Masakra e Dubravës është kryer nga 19 deri më 24 maj të vitit 1999.

Brenda burgut janë vrarë 160 të burgosur shqiptarë dhe janë plagosur më shumë se 300 të tjerë.

Masakra në Burgun e Dubravës, 1999 /Foto: Ridvan Slivova

Brenda Burgut të Dubravës gjendet një pllakë përkujtimore me emrat e të gjithë atyre që janë vrarë në këtë masakër, për të cilën ende nuk është dënuar askush.

Shija e redaktorit

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

“Në burgun e Dubravës kemi fjetur në qiell të hapur...

Ndonëse këmba e ushtarëve të NATO-s ende nuk kishte shkelur në Kosovë, vëzhguesit e tyre nga ajri e toka po mblidhnin informacione për terrorin...

“Dukagjini” dhe “Pearson Education” rrisin standardet në arsim, organizojnë trajnim...

Shtëpia botuese “Dukagjini”, në bashkëpunim me “Pearson Education”, organizojnë trajnimin njëditor të titulluar “Breathing New Life Into Our Lessons” për mësimdhënësit/et e gjuhës angleze....

Të fundit nga rubrika