Të enjten bëhen 23 vjet nga masakra e forcave serbe në Malishevë, përkatësisht në Burim, ku u vranë dhe u masakruan 42 civilë shqiptarë.
Kjo është ndër masakrat më të tmerrshme që ka ndodhur në Malishevë gjatë luftës së fundit.
Në vendin e quajtur Vrella e Mëhillit në Burim të Malishevës, u vranë dhe u masakruan 42 civilë, shumica prej tyre nga fshatrat Dragobil dhe Astrazup, si dhe tre banorë të Suharekës, të cilët ishin strehuar në këtë pjesë.
Po në këtë ditë, në fshatra të tjerë janë vrarë dhe masakruar edhe civilë të tjerë.