Të enjten shënohet 23 vjetori i masakrës në Patasellë të Komunës së Rahovecit.
Kjo është një ndër masakrat më të tmerrshme që ka ndodhur gjatë luftës në Kosovë, më 1999.
Në Patasellë të Rahovecit janë vrarë dhe masakruar 106 persona, nga ky fshat dhe fshatrat e tjerë përreth.
Nga kjo masakër ende ka familjarë që kërkojnë t’u kthehen trupat e pagjetur të më dashurve të tyre.
Përpos vrasjes dhe masakrimit nga forcat serbe, të vrarët më pastaj edhe janë djegur. Nga kjo masakër kanë mbijetuar 13 persona.
Për vrasjen dhe masakrimin e 106 martirëve, deri më tani nuk është dënuar asnjë serb që ka marrë pjesë në këtë masakër.