Për nder të 12 qershorit, Ditës së Çlirimit, presidentja e Republikës së Kosovës, Vjosa Osmani, së bashku me kryeministrin Albin Kurti  dhe kryeparlamentarin Glauk Konjufca, kanë bërë homazhe te varri i ish-presidentit Ibrahim Rugova dhe te varri i veprimtarit Adem Dema Demaçi.

Po ashtu, sipas agjendës, krerët e shtetit do të bëjnë homazhe edhe në Kompleksin Memorial “Adem Jashari”, në Prekaz.

Po ashtu, në orën 11:00 do të bëjnë nderim te Pllaka Përkujtimore për ushtarët e NATO-s.

Sot janë bërë 24 vjet nga një prej datave më të rëndësishme në historinë e Kosovës. 24 vjet më parë, Kosova ishte çliruar nga okupimi i Serbisë pas 78-ditësh të bombardimeve të NATO-s.