Në 25-vjetorin e masakrës së Mejës, kryeministri i Kosovës, Albin Kurti dhe presidentja, Vjosa Osmani, kanë kërkuar drejtësi për viktimat dhe u zotuan se thirrja për drejtësi kurrë nuk do të mungojë.
Masakrën e Mejës, presidentja Vjosa Osmani e ka cilësuar si “Srebrenica e Kosovës”, në të cilën u vranë 376 civilë shqiptarë.
“376 civilë të pafajshëm ju këputën ëndrrat në gjysmë vetëm pse ishin shqiptarë. 376 familje pa më të dashurit e tyre e gjithë Kosova në dhimbje të përhershme. Meja është testament i kësaj dhimbje e vazhdueshme në çdo shtëpi të Kosovës. ‘Lëndina e Pikëllimit’ është vendi i së vërtetës sonë, rrëfimi i trishtë i 376 fate njerëzore, Srebrenica e Kosovës”, ka thënë Osmani.
Ndërsa kryeministri i Kosovës, Albin Kurti, ka thënë se për shqiptarët stina e pranverës është stinë përkujtimore.
“Sibjet po mbahen 25 kur lufta e arriti kulmin e luftës para se të përfundonte në qershor të atij viti. Viti 1999 ishte stinë e vrasjes në kuadër të stilit gjenocidal, andaj pranvera për ne është stinë përkujtimore. Në historinë elitës masakra në Mejë e Korenicë është më e madhja. Atë ditë u vranë 376 civilë të pafajshëm, në mesin e e tyre nxënës e arsimtarë. Këtu i kemi varret e civilëve myslimanë e katolikë”, ka thënë i pari i shtetit.
Kurti është shprehur se edhe pas 25 vjet pas luftës, Kosova vazhdon të jetë në luftë të ashpër me Serbinë.