250 mijë euro për problemin e mbeturinave në lagjen e Gjakovës

Institucionet sërish kanë nda mjete financiare për të rehabilituar stacionin transfer të mbeturinave në lagjen “Ali Ibra”, në komunën e Gjakovës. Sipas opozitës në këtë komunë, për projektin e njëjtë më herët janë ndarë edhe 450 mijë euro të tjera, por se problemi nuk është zgjidhur

Kjo është pamja e tmerrshme që shohin çdo ditë banorët e lagjes “Ali Ibra” në Gjakovë.

“Nga kundërmimi i tmerrshëm që vije nga qendra transfer e mbeturinave, banorët e kësaj lagje janë ankuar se kanë pasur edhe probleme shëndetësore”.

Sasia e madhe e mbeturinave, duke përfshirë edhe ato inerte, kanë dal edhe jashtë kufirit që është për qendrën e grumbullimit.

Sipas komunës së Gjakovës, në këtë qendër të grumbulimit ka rreth 60 mijë tonë mbeturina.

Mirëpo, këtij problemi duket si i ka ardhur fundi, pasi në mes të Ministrisë së Infrastrukturës, asaj të Administrimit të Pushtetit Lokal dhe Komunës së Gjakovës ka arritur një ujdi për pastrimin dhe rehabilitimin e saj.

Sipas komunës së Gjakovës, zbatimi i kësaj marrëveshje pritet të bëhët brenda një afati kohor prej një muaji.

“Pas rehabilitimit total të qendrës së transferimit, ne do të dyfishojmë numrin e kamerave, do të rrethohet ajo pjesë e cila do të jetë e rehabilituar. Të bëhet e gjelbërt, të vendoset ndriçimi publik edhe të futet në programin e mirëmbajtjes së parqeve”, ka thënë për RTV Dukagjini, Shkumbim Kastrati, Drejtor i Shërbimeve Publike në Gjakovë.

Shkumbim Kastrati, Drejtor i Shërbimeve Publike, Gjakovë

Për këtë çështje, opozita në këtë komunë, thonë se për zgjidhjen e problemit është ndalimi i buxhetit edhe në të kaluarën por si nuk është bërë një herë pastrimi.

“Përderisa janë jep 450 mijë euro nga qeveritë e kaluara edhe problemi është i njëjtë, do të thotë se kemi pasur keq-menaxhim dhe mos-transparencë të atij projekti”.

”Lëvizja e Vetëvendosjes tani po synon që me 250 mijë euro, po thuajse gjysmën e këtij buxheti, që ta pastroj. Shumë është e rëndësishme që dy ministritë e kanë marrë përgjegjësi që pjesën e tenderimit, pjesën e mbikqyrjes së punimeve dhe deri në finalizimin e saj”, ka thënë, për RTV Dukagjini, Ledian Rexha, këshilltar komunal nga Lëvizja Vetëvendosje.

Ledian Rexha, Këshilltar komunal, LVV

Në lagjen e cila vazhdon të ketë probleme, jetojnë kryesisht qytetarë pjesë e komuniteteve RAE.

Sipas deputetit nga grupi parlamentar multietnik, Fridon Lala, ky problem për banorët e asaj lagjeje është tash e shumë vite.

“E paimagjinueshme, se si në një lokalitet që  jetojnë mbi 200 familje në mesin e qytetit, kemi një situatë të tillë. Ne akoma nuk e ndijemë rrezikshmërinë dhe shëndetin, e ç’mund ti bëhet atyre qytetarëve nga kjo deponi. Të bëjmë edhe një analizë se sa e helmuar është toka dhe ambienti për rreth”, ka thënë, Fridon Lala, asamblesit i IRDK-së.

Fridon Lala, Deputet, IRDK

Sipas marrëveshjes, kjo hapësirë pas një viti do të shndërrohet në park dhe do të menaxhohet nga Komuna e Gjakovës.

Shija e redaktorit

Nebi Qena merr rol udhëheqës në Associated Press

Gazetari i njohur Nebi Qena është emëruar zëvendësdrejtor për video në agjencinë botërore të lajmeve Associated Press në SHBA. Në një letër për stafin, drejtori...

 Themelorja lë në fuqi aktakuzën ndaj dy ish-ministrave Endrit Shala...

Gjykata Themelore në Prishtinë ka refuzuar kërkesat për kundërshtim të provave dhe për hudhje të aktakuzës, të parashtruara nga mbrojtja e dy ish-ministrave të...

Ambasada britanike për njohjen e Kosovës nga Sudani: Një moment...

Ambasada e Mbretërisë së Bashkuar në Prishtinë përmes një postimi në Facebook e ka uruar Kosovën për njohjen e marrë nga shteti afrikan, Sudani. Ambasada...

Të fundit nga rubrika