Gjatë 24 orëve të fundit janë raportuar 26 vatra zjarri në Shqipëri, sipas të dhënave nga Qendra Kombëtare Operacionale e Emergjencave Civile.
Izolimi i plotë dhe shuarja e vatrave të zjarrit është pas një pune të pandërprerë të forcave operacionale.
Vendet që janë përfshirë në zjarre janë fshati Goriçan, Muçaj, fshati Marikaj, fshati Vorrozen, fshati Vakuf, fshati Mursa e të tjerë.
Fshatrat e përfshira i takojnë bashkisë së Dimalit, Vlorës, Kavajës, Dibrës, Gjirokastrës, Shkodrës e të tjerë.
Në aksionet për shuarjen e flakëve gjatë 24 orëve të fundit janë angazhuar 442 efektivë zjarrfikës, Forca të Armatosura, forca bashkiake, forca policore, punonjës të Administratës së Zonave të Mbrojtura, shërbimi pyjor, forca vullnetare, 47 mjete zjarrfikëse dhe një helikopter.