Këto pamje janë fotografia e parë që na vije para syve çdo 1 tetor.
Me shumë se dy dekada me parë, regjimi i Sllobodan Millosheviqit u përballë me lëkundjen e parë të pushtetit të tij në Kosovë.
Të njom për nga mosha por të vendosur për të drejtën e tyre për shkollim, studentet e profesor të Universitetit të Prishtinës, organizuan protestat, të cilat kundërshtuan pushtimin e Kosovës nga Serbia dhe kërkuan kthimin e studentëve në objektet universitare, nga ku ishin dëbuar nga regjimi i kasapit të Ballkanit.
Përleshja me policët e regjimit të Milloshevicit nuk do t’i zmbrapste ata ndaj kërkesës së tyre.
“Prishtina ishte e mbuluar dhunshëm me shkrime e mbishkrime me flamuj të regjimit të Serbisë përfshirë edhe UP-në, që në atë kohë ishte I pushtuar nga regjimi dhe stafi ishte dëbuar nga ambientet e Universitetit dhe për 7 vite ne studionim jashtë atij objekti”, ka thënë Driton Lajci- Njëri nga organizueset e protestave të vitit 1997.
Përpjekja për ndryshim të situatës nga ndërkombëtarët në atë botë nuk po sillte ndryshim, andaj studentëve shqiptarë ju mbeti vetëm një rrugë, për të cilën ishin të bindur se mund të u kushtonte me jetë.
“Ishim të vendosur, ishte e vetmja rrugë dhe ishin shterur mundësit e tjera pasi kanë qenë disa marrëveshje por studentet mësonin nëpër shtëpi private dhe nuk shihej drita në fund të tunelit. Ne ishim kamikaze pasi ishim të gatshëm që të sakrifikohemi por ishim edhe kallauz pasi duhet të gjenim çelsin për këtë çështje”, shtoi ai.
26 vite pas, ndonëse jo në mënyrë të njëjtë, mirëpo tensione mes Kosovës dhe fqinjit verior ende ka.
Për këtë ish organizatori i protestave studentore ka një mesazh.
“Duhet të shërbej motivi e uniteti jonë në mënyrë që edhe sot karshi Serbisë të jemi unik dhe ti inkurajojmë personat që e ruajnë territorin e Kosovës”, tha Lajçi.
Në krye të këtyre protestave të viteve 90;ta ishte edhe kryeministri Albin Kurti, i cili në këtë 26 vjetor bëri homazhe tek varri I profesorit Ejup Statovci i cili ishte rektor i universitetit të Prishtinës në kohën kur kërkohej e drejta për Liri dhe Pavarësi.