29-vjetori i Masakrës së Srebrenicës, Krasniqi: Kriminelët serbë enden të lirë, pa marrë dënimin e merituar

Kuvendi miratoi deklaratën për përkujtimin e Masakrës së Srebrenicës, Krasniqi shkruan se kriminelët serbë enden të lirë, pa marrë dënimin e merituar

Memli Krasniqi, kreu i PDK-së.

Kuvendi i Kosovës, në 29-vjetorin e Masakrës së Sbrenicës, ka miratuar deklaratën në përkujtim të viktimave të gjenocidit në Srebrenicë të Bosnjë e Hercegovinës.

Kryetari i Partisë Demokratike së Kosovës, Memli Krasniqi përmes një postimi në “Facebook”, pas miratimit të kësaj Deklarate ka shkruar se u miratua për të dhënë mesazhin se nuk do të harrohet kurrë.

“Sot, në Kuvendin e Kosovës, miratuam Deklaratën për Mbështetjen e Rezolutës së Asamblesë së Përgjithshme të Kombeve të Bashkuara për Ditën Ndërkombëtare të Reflektimit dhe Përkujtimit të Gjenocidit të vitit 1995 në Srebrenicë, për të dërguar mesazhin e qartë: Ne nuk do të harrojmë asnjëherë,” shkruan Krasniqi.

Teksa shton se “29 vite më parë, në Srebrenicë, regjimi kriminal serb kishte kryer aktin më të tmerrshëm të gjenocidit që nga Lufta e Dytë Botërore, duke vrarë në gjakftohtësi dhe me paramendim 8372 civilë të paarmatosur.”

Ai thotë se edhe sot kriminelët serbë vazhdojnë ende të lirë pa marrë dënimin e merituar.

“Kriminelët serbë, të udhëhequr nga kasapi Ratko Mladiç, nuk kishin kursyer askënd. Fatkeqësisht, edhe sot, qindra kriminelë serbë që sollën shumë vdekje e shumë dhembje në tërë Ballkanin, vazhdojnë të enden të lirë, pa marrë asnjëherë dënimin e merituar,” ka shkruar Krasniqi.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika