Gjatë 24 orëve të fundit në Shqipëri prej 1,080 testimeve të kryera, 293 raste kanë rezultuar pozitive me COVID-19.
172 raste pozitive me COVID-19 janë në Tiranë. Deri më tani janë 1.387 qytetarë aktivë me COVID-19 në të gjithë vendin, ndërsa në spital po marrin trajtim nëntë pacientë.
Në 24 orët e fundit nuk ka asnjë humbje jete me Sars-Cov2 dhe janë shëruar 149 qytetarë.
Prej fillimit të pandemisë COVID-19 në Shqipëri janë konfirmuar 278 mijë e 504 raste, prej tyre 273 mijë e 620 janë shëruar, 1 mijë e 387 janë aktive, ndërsa kanë vdekur 3 mijë e 497 pacientë.