30 ditë paraburgim ndaj dy personave të cilët dyshohen se e sulmuan KFOR-in në veri
Dy personave të cilët dyshohen se i kanë sulmuar trupat e KFOR-it në Zveçan, u është caktuar nga 30 ditë paraburgim. Gjykata Themelore e Prishtinës, departamenti special, e ka vendosur këtë masë duke aprovuar kështu kërkesën e Prokurorisë Speciale. RTV Dukagjini e ka siguruar vendimin e Gjykatës, ku bëhet i ditur vendimi për paraburgim. Të […]
Dy personave të cilët dyshohen se i kanë sulmuar trupat e KFOR-it në Zveçan, u është caktuar nga 30 ditë paraburgim.
Gjykata Themelore e Prishtinës, departamenti special, e ka vendosur këtë masë duke aprovuar kështu kërkesën e Prokurorisë Speciale.
RTV Dukagjini e ka siguruar vendimin e Gjykatës, ku bëhet i ditur vendimi për paraburgim.
Të dyshuarit për sulm kanë qëndruar në stacionin policor të Mitrovicës.
Gjatë ditës së djeshme, në protestën në Zveçan, përfaqësuesit e listës serbe kanë dhënë ultimatum dhe kanë kërkuar që të njëjtit të lirohen.
Nga sulmet në veri të vendit ishin lënduar rreth 30 ushtarë të KFOR-it. Ata u sulmuan me shufra hekuri, koktej molotovi dhe gurë.
Përpos ushtarëve të KFOR-it, protestuesit serbë vazhdimisht i kanë sulmuar edhe policinë e Kosovës dhe gazetarët. Protestuesit kanë përdorur simbole të pushtimit rus në Ukrainë.
Policia e Kosovës ka publikuar të mërkurën e 31 majit një njoftim ku thuhet se ka ndaluar dy shtetas të Serbisë, të cilët ishin duke bartur disa mjete të ndaluara, si: thika, maska, shufra të metalit dhe materiale propagandistike.
Veteranë serbë nga Beogradi janë futur në Leposaviq

Dy serbët janë burgosur nga policia, ndërsa të dhënat nga hetimet tregojnë se këta personat kanë lidhje me “Brigadën 72”, e cila është brigadë ushtarake, e destinuar për operacione të veçanta, sabotim dhe kundërsabotim, kryengritje dhe zbulim si dhe kundërterrorizëm në ushtrinë e Serbisë.
Dy personat e arrestuar janë Ivan Sekuliq nga Beogradi dhe pasagjeri Sinisa Jevtiq nga Krushevaci i Serbisë.















