Ministria e Shëndetësisë në Kosovë, ka raportuar 30 persona të infektuar nga COVID-19, dhe asnjë vdekje.
Numri i të infektuarve vjen nga një mijë 159 mostra të marra nga Shërbimi Spitalor dhe Klinik Universitar i Kosovës (ShSKUK).
Sipas Ministrisë së Shëndetësisë, gjatë 24 orëve të fundit janë shëruar, gjithsej, 31 persona.
Raste aktive me COVID-19, janë, gjithsej, 592.
Brenda 24 orëve të fundit, në Kosovë janë vaksinuar 278 persona kundër Coronavirusit.
Ndërkaq, 901 mijë e 427 persona janë vaksinuar me dozën e parë, teksa numri i të vaksinuarve me të dy dozat ka arritur në 820 mijë e 271.
Ndryshe, numri i marrjes së dozave të treta apo përforcuese ka arritur në 99 mijë e 961.
Janë një milion e 821 mijë e 818 doza të administruara në total.
Një ditë më parë, më 29 mars, në Kosovë asnjë person nuk e ka humbur jetën nga Coronavirusi.
