30 vjet nga fillimi i rrethimit të Sarajevës

Sot (e marte) më 5 prill janë bërë 30 vjet nga fillimi i rrethimit të kryeqytetit të Bosnjës dhe Hercegovinës (BeH), Sarajevës nga ana e forcave ushtarake serbe.

Në historinë e luftës moderne, rrethimi i Sarajevës shënon rrethimet më të gjata, përkatësisht rrethimi më i gjatë i ndonjë kryeqyteti.

Nga 5 prilli i vitit 1992 kur u shënuan viktimat e para boshnjake nga ana e snajperistëve serbë, Sarajeva mbeti nën rrethim deri më 29 shkurt të vitit 1996, përkatësisht për 1 mijë e 460 ditë rresht.

Tabelë ku tregon se ajo zonë sulmohet nga snajperistët serb

Gjatë kësaj periudhe disa vjeçare, Sarajeva ishte pothuajse plotësisht e shkëputur nga pjesa tjetër e BeH.

Qytetarët që kishin mbetur nën rrethim kishin mbetur me mungesa të ushqimeve, ujit, ilaçeve, energjisë elektrike dhe gazit.

Nga 1992 deri më 1996, në Sarajevë ishin vrarë 11 mijë e 500 njerëz, në mesin e tyre mbi 1 mijë e 500 fëmijë.

Në përkujtim të 11 mijë e 541 viktimave të Sarajevës

“Të qëllohen të gjitha objektivat joserbe, qofshin civile apo jo”, ishte urdhri i udhëheqësit të atëhershëm të ushtrisë serbe, Ratko Mlladiq.

Viktimat e para të shkaktuara nga snajperët serbë, Olga Suçiq dhe Suada Dilberovic të vrarë me 5 prill 1992, në njërën nga urat e qytetit e cila tashmë mban emrin e tyre, janë përkujtuar nga qytetarë të shumtë.

Ato asokohe nuk ishin të njohura mes vete por as për opinionin e gjerë publik. Ato ishin kalimtare të rastit kur u vranë, por vdekja e tyre ato i bëri të pavdekshme për Sarajevën.

Homazhe në vendin ku u vranë Olga Suçiq dhe Suada Dilberovic më 5 prill 1992.

Pas përfundimit të luftës, Gjykata Penale Ndërkombëtare për ish-Jugosllavinë me seli në Hagë, për rrethimin e Sarajevës, ka dënuar tre komandantë serbë: Stanisllav Galliqin, Dragomir Millosheviqin dhe Momçillo Perishiqin.

Ndërsa, Ratko Mlladiqin e kishte dënuar me burgim të përjetshëm, për akuza që përfshinin edhe terrorizimin e civilëve në Sarajevë.

Për akuza të ngjashme ishte dënuar po ashtu edhe ish-udhëheqësi i serbëve të Bosnjës, Radovan Karaxhiq.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

RTS zviceran: Personi që paralajmëroi vrasjen e Dick Martyt, është...

Është zbuluar se kush ishte infromatori që tregoi se ka një planë për të vrarë Dick Marty-in. Sipas Programiit të RTS Mise au point  ai...

24 vjet dhe 10 muaj burgim për të akuzuarin i...

Gjykata Themelore në Prizren, të hënën e ka dënuar të akuzuarin Sylejman Ahmeti me 24 vjet e 10 muaj burgim për vrasje. Aktakuza e ngritur...

Komandanti i parë i KFOR-it: Në Veri ekziston një grup...

Komandanti i parë i KFOR-it, Erhard Buhler, në një intervistë për Albanian Post, ka thënë se në veri të vendit ekziston një grup multietnik...

Të fundit nga rubrika