Kryeministri i vendit, Albin Kurti, ka përkujtuar demonstratat popullore të vitit 1989 në 35-vjetorin e tyre.
Kurti, përmes një postimi në rrjetin social “Facebook”, ka shkruar se policia e Serbisë brenda dy ditëve, më 27-28 mars, u vranë 25 demonstrues, u plagosën 603 të tjerë dhe 1200 demonstrues shqiptarë u burgosën pas gjyqesh politike.
“Më 27 dhe 28 mars të vitit 1989, policia e Serbisë i shtypi demonstratat paqësore të shqiptarëve gjithandej Kosovës, ku vetëm gjatë atyre dy ditëve u vranë 25 demonstrues dhe u plagosën 603 të tjerë. Ata po kërkonin të drejtat e tyre politike, duke e kundërshtuar shtypjen politike dhe instalimin e regjimit diskriminues dhe kriminal të Serbisë, që vetëm katër ditë më parë ia kishte suprimuar autonominë Kosovës. Në ditët që i pasuan këto demonstrata, 1200 demonstrues shqiptarë u burgosën pas gjyqesh politike”, ka shkruar Kurti.
