40 vatra zjarri janë raportuar në vend gjatë 24 orëve të fundit, ndërsa 6 prej tyre vijojnë të jenë aktive.
Flakët kanë përfshirë zona në Dajt, Dibër, Shkodër dhe Fier, ku ekipet e emergjencave po vijojnë ndërhyrjen në terren. Në operacione janë angazhuar qindra forca operacionale, automjete zjarrfikëse dhe efektivë të Forcave të Armatosura.
Më tepër po ndërhyhet në vatrat në Dajt, Çërrilë të Mallakastrës dhe Rragam të Shkodrës, ndërsa disa zona të tjera mbahen nën monitorim.
Ministria e Mbrojtjes bën me dije se situata po ndiqet në mënyrë të pandërprerë, me prioritet mbrojtjen e banesave, jetës dhe pasurisë së qytetarëve./tvklan