Rrahja ndodhi në qendër të Shtërpcës më 8 dhjetor.

Pesë ditë pas, një nga të përfshirët në këtë rast ka ndërruar jetë.

Vdekja e tij, dyshohet se erdhi si shkak i lëndimeve të marra nga kjo rrahje, e cila, sipas dyshimeve të para kishte ndodhur në kohën kur të dy kishin qenë në gjendje të dehur.

I ndjeri është i moshës 49 vjeçare, përderisa personi tjetër me të cilin ndodhi përleshja, është 20 vjeçar.

Që të dy vijnë nga i njëjti fshati dhe janë të nacionalitetit serb.

Dy të përfshirët në këtë rast janë kushërinj mes vete, vijnë nga Bitia e Epërme, si dhe shtëpitë i kanë afër njëra-tjetrës.

Policia e Kosovës ka kryer gjatë ditës disa ekzaminime të rrugës që ka përshkuar tashmë i ndjeri, natën kur ka ndodhur rrahja.

Nga Prokuroria Themelore e Ferizajt kanë treguar viktima iu është nënshtruar disa trajtimeve në spital.

“Viktima në këtë rast pas lëndimeve të marra fillimisht është dërguar për trajtim në Gracanicë e më pas në spitalin klinik në Nish-Serbi dhe i njëjti ka ndërruar jetë më datë 12.12.2023. Ndërsa, i dyshuari në këtë rast, me vendim të Prokurorit të Shtetit, është ndaluar në kohëzgjatje prej 48 orësh, për shkak të dyshimit të veprës penale “Lëndimi i rëndë trupor” me pasojë vdekjen”.

Prokuroria është akoma duke e hetuar shkakun, që qoi deri në përleshjen mes tyre.

Nga kjo Prokurori i kanë thënë Televizionit Dukagjini, se me kohë do ta paraqesin kërkesën për caktim të masës së paraburgimin ndaj të pandehurit.