Presidentja e vendit, Vjosa Osmani ka udhëtuar në Finlandë, për vizitë pune në Finlandë, me ftesë të Presidentit finlandez, Alexander Stubb. Në kuadër të kësaj vizite, Osmani do të ndajë Medaljen Presidenciale Ushtarake për Forcat e Armatosura të Finlandës, për kontributin e tyre për paqe e siguri në Kosovë, në kuadër të forcave të NATO-s – misionit të KFOR-it.
Në njoftimin e Presidencës thuhet se Osmani do të nis vizitëm me një ceremoni zyrtare, të organizuar në Pallatin Presidencial në Helsinki, pas së cilës të dy presidentët do të zhvillojnë një takim tête-à-tête, pasuar nga një takim ndërmjet delegacioneve respektive të dy shteteve.
Tutje thuhet se agjenda e vizitës përfshin gjithashtu takime të nivelit të lartë me liderë institucionalë të Finlandës, përfshirë kryetarin e Parlamentit, Jussi Halla-aho, dhe ministren për Punë të Jashtme, Elina Valtonen.
“Vizita do të nisë me një ceremoni zyrtare, të organizuar në Pallatin Presidencial në Helsinki, pas së cilës të dy presidentët do të zhvillojnë një takim tête-à-tête, pasuar nga një takim ndërmjet delegacioneve respektive të dy shteteve. Në kuadër të vizitës, Presidenti Stubb do të shtrojë drekë zyrtare për Presidenten Osmani dhe delegacionin e saj në pallatin presidencial në Helsinki. Në kuadër të kësaj vizite, Presidentja Osmani do të ndajë Medaljen Presidenciale Ushtarake për Forcat e Armatosura të Finlandës, për kontributin e tyre për paqe e siguri në Kosovë, në kuadër të forcave të NATO-s – misionit të KFOR-it. Presidentja Osmani gjatë vizitës në Finlandë do të pritet gjithashtu nga Jussi Halla-aho, kryetar i Parlamentit të Finlandës si dhe nga ministrja për Punë të Jashtme të Finlandës, znj. Elina Valtonen. Në kuadër të agjendës, Presidentja Osmani do të mbajë një diskutim në Universitetin e Helsinkit me temën “Vizioni i Kosovës për integrimin evropian, paqen dhe stabilitetin”, ku para studentëve, profesorëve dhe diplomatëve do të shpalosë prioritetet strategjike të Republikës së Kosovës”, thuhet në njoftim.
Në kuadër të promovimit të vizionit të Kosovës për integrimin evropian, Presidentja Osmani do të mbajë një diskutim publik në Universitetin e Helsinkit, me temën:“Vizioni i Kosovës për integrimin evropian, paqen dhe stabilitetin”, ku do të paraqesë prioritetet strategjike të vendit para studentëve, akademikëve dhe diplomatëve finlandezë.
Po ashtu, gjatë qëndrimit në Finlandë, Presidentja Osmani do të zhvillojë një takim me përfaqësues të mërgatës kosovare, për të bashkëbiseduar me ta për zhvillimet e fundit në Kosovë dhe për të shprehur mirënjohje për kontributin e tyre të çmuar në fuqizimin e vendit”, ka shkruar Osmani.