5-vjetori i anëtarësimit të Malit të Zi në NATO

Të dielën e 5 qershorit janë bërë 5 vjet që nga anëtarësimi i Malit të Zi në Aleancën Veritatlantike (NATO)

Ilustrim

Me rastin e pesëvjetorit të anëtarësimit të Malit të Zi në NATO, zëvendëskryeministri dhe ministri i Mbrojtjes, Rashko Konjeviq dhe ministri i Punëve të Jashtme, Ranko Krivokapiq do të mbajnë një pritje zyrtare.

Kjo pritje është caktuar për të hënën, më 6 qershor, përballë Kalasë së Petroviqit në Krushevc, me fillim nga ora 20:00.

Mali i Zi, dikur bastion i ndjenjave proruse në Ballkan, më 5 qershor të vitit 2017 është bërë zyrtarisht anëtari i 29 i NATO-s, me një ceremoni në Uashington.

Anëtarësimi i vendit prej 600 mijë banorësh në Aleancën Ushtarake shënoi një kthesë historike.

Më 5 qershor 2017, në Departamentin amerikan të Shtetit u zhvillua ceremonia për pranimin zyrtar të Malit të Zi si anëtar i 29-të i NATO-s. Në ceremoni morën pjesë Nënsekretari amerikan i Shtetit, Thomas Shannon dhe Sekretari i Përgjithshëm i NATO-s, Jens Stoltenberg.

Ish kryeministri i Malit të Zi, Dushko Markoviç dhe sekretari i Përgjithshëm i NATO-s, Jens Stoltenberg

Më 7 qershor 2017, flamuri i Malit të Zi si anëtari më i ri i Aleancës, është valëvitur për herë të parë në Shtabin e Aleancës Ushtarake në Bruksel.

“Ngjarja e sotme ishte rezultat i përpjekjeve shumëvjeçare për ta përfshirë Malin e Zi në komunitetin euroatlantik të vendeve,” thuhej në një komunikatë nga zëdhënësi i Departamentit amerikan të Shtetit.

Së fundmi, Finlanda dhe Suedia kanë aplikuar zyrtarisht për t’u anëtarësuar në NATO, një veprim i nxitur nga shqetësimet e sigurisë nga lufta e Rusisë në Ukrainë.

Gjithashtu, edhe kryeministri i Kosovës, Albin Kurti, ka deklaruar se janë duke i bërë përgatitjet për aplikim për anëtarësim në NATO dhe BE.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika