Korporata Energjetike e Kosovës ka marrë vendimin që t’u ndajë 500 euro shtesë punëtorëve të saj për fundvit.
Këtë e ka bërë të ditur Sindikata e Re e KEK-ut përmes një njoftimi në rrjetin social Facebook.
Tutje, kjo sindikatë ka falënderuar të gjithë punëtorët për kontributin në punë. Gjersa ka falënderuar edhe bordin e KEK-ut për realizimin e kësaj kërkese, që sipas tyre do të jetë motivuese për angazhim në punë.
“Të nderuar anëtarë të SRKEK-ut dhe punëmarrës të KEK-ut sot morëm edhe konfirmimin nga drejtori menaxhues për 500€ pagë shtesë për fundvit, për të gjithë punëmarrësit e KEK-ut. Faleminderit të gjithë punëmarrësve për kontributin në punë dhe njëkohësisht falënderojmë Menaxhmentin dhe bordin e KEK-ut për realizimin e kësaj kërkese që do të jetë motivuese për angazhim maksimal në punë”, thuhet në njoftimin e SRKEK-ut.