Në emisionin “Debat Plus” në RTV Dukagjini janë publikuar rezultatet e sondazhit të realizuar nga UBO Consulting.
Në këtë sondazh janë përfshirë disa pyetje, në kuadër të OMNIBUS-it që realizohet çdo tre muaj, dhe njëra nga pyetjet e realizuara në sondazh është se cilat nga grupet po e bën opozitën më të fortë ndaj kryeministrit të Kosovës, Albin Kurti.
Në këto grupe përfshiheshin analistët, bizneset, partitë politike, militantët e VV-së, shoqëria civile dhe grupet e tjera.
Në këtë sondazh kryesojnë partitë politike me 52.9 për qind, analistët me 23.3 për qind, shoqëria civile me 14.5 për qind, militantët e VV-së me 4.9 për qind, grupet e tjera me 2.6 për qind dhe bizneset me 1.9 për qind.
Nga sondazhi, në kuadër të OMNIBUS-it për matjen e opinionit publik, nëse zgjedhjet do të mbaheshin këtë të diel, Lëvizja Vetëvendosje (LVV) do të printe e para në listë, duke kryesuar me 48.5 për qind.
Ndërsa, partia tjetër që kryeson në vend të dytë është Partia Demokratike e Kosovës (PDK), me 18.2 për qind, duke lënë pas Lidhjen Demokratike të Kosovës (LDK), me 17.9 për qind.
Pas këtyre partive pason AAK-ja, e cila rezulton të ketë 6.8 për qind.
Lexo dhe: Sondazhi i UBO Consulting: LVV e para me 48.5%, PDK e dyta, LDK e treta
Lista Serbe ka marrë 3.2 për qind, ndërkaq Nisma Socialdemokrate ka marrë 1.5 për qind.
Ndërkaq, partitë e tjera janë listuar në vende më poshtë, si Lista Guxo me 0.8 për qind, PSD-ja me 0.4 për qind, ndërsa Alternativa me 0.1 për qind.
Ndërsa, të tjera janë listuar me 2.6 për qind.