Policia e Kosovës ka njoftuar se gjatë 24 orëve të fundit në territorin e vendit janë regjistruar gjithsej 74 aksidente trafiku.
Sipas njoftimit zyrtar, 28 prej aksidenteve kanë përfunduar me persona të lënduar, ndërsa 46 raste kanë shkaktuar vetëm dëme materiale.
“Gjatë 24 orëve të fundit, në territorin e vendit janë regjistruar gjithsej 74 aksidente rrugore. Nga ky numër i përgjithshëm, 28 aksidente kanë rezultuar me persona të lënduar, ndërsa në 46 raste janë shkaktuar vetëm dëme materiale”, thuhet në njoftimin e Policisë së Kosovës.
Policia ka bërë të ditur se gjatë së njëjtës periudhë janë ndërmarrë edhe kontrolle të shtuara në trafik, me fokus parandalimin e aksidenteve dhe rritjen e sigurisë rrugore.
“Paralelisht, me qëllim të parandalimit të aksidenteve dhe rritjes së sigurisë rrugore, policia ka shqiptuar 2,096 tiketa trafiku për kundërvajtësit”, thuhet më tej në njoftim.
Në fund, Policia e Kosovës u ka bërë thirrje të gjithë pjesëmarrësve në trafik që të respektojnë rregullat e komunikacionit.
“Policia e Kosovës apelon te të gjithë pjesëmarrësit në trafik që të respektojnë rregullat e trafikut për të garantuar sigurinë e përgjithshme në rrugët tona”, përfundon njoftimi.