Kryetari i Aleancës për Ardhmërinë e Kosovës, Ramush Haradinaj, në 75-vjetorin e NATO-s, ka thënë se synim i vazhdueshëm i Kosovës është anëtarësimi në Aleancën më të fuqishme të sigurisë e të paqes në glob.
“Synimi yni i vazhdueshëm është anëtarësimi në Aleancën më të fuqishme të sigurisë e të paqes në Glob-NATO,”
Sipas Haradinajt, populli i Kosovës do të jetë gjithmonë mirënjohës ndaj NATO-s.
“NATO, si garant i sigurisë e i paqes, sot shënon 75-vjetorin e saj. Në jubileun e 50-të, NATO në operacionin e saj më të madh ushtarak ishte vënë në shërbim të mbrojtjes së popullit të Kosovës, ndërsa sot në 75-vjetorin e saj, vazhdon të jetë gardian i paqes në këtë pjesë të Ballkanit,” shkruan Haradinaj.