14 vjeçarja, që nuk pranoi t’i publikohet identiteti, tregon që tashmë lëmosha është puna e saj pasi, çdo ditë kërkon para nga qytetarët
Krejt këtë e bën për shkak të kushteve të rënda financiare. “Kam ardhur me autobus nga Shqipëria, këtë punë e bëjë sepse nuk jemi mirë me lekët. Në shkollë nuk shkoj”, ka thënë ajo.
Si kjo, edhe tjerë lëmosh-kërkues shihen çdo ditë në sheshe të Prishtinës. Qytetarët këtë gjendje po e konsiderojnë shqetësuese, sidomos nëse keqpërdorën fëmijët.
“Është shumë negative, është e tmerrshme, kështu që po të shoh ndonjë fëmijë në rrugë duke kërkuar lëmosh, nuk i jap, sepse është një veprim shumë i keq, për prindër më nuk diskutohet”, ka deklaruar Nezir Lekaj – Qytetar.
”Shpesh ndodhë që gjatë dimrit ke raste që i sheh të zbathur ose diçka dhe me njëfarë forme ti menjëherë e ke njëfarë keqardhje e sa keqpërdorën këto raste apo fëmijët unë nuk e di por çdo ditë më bënë përshtypje që ka shumë”, ka theksuar Alberita Plishi – Qytetare.
E që fëmijëve të mos u jepet lëmoshë po kërkon edhe qeverisja lokale.
Sipas Kryetarit të Komunës së Prishtinë, fëmijët duhet të jenë në shkollë e jo nëpër rrugë.
“Qytetarët ndonjëherë iu japin para për të mirë, por në faktik ata vetëm sa i dëmtojmë dhe i shtyjmë të dalin të kërkojnë prapë lëmoshë”, ka thënë Përparim Rama – Kryetar i Prishtinës
Në tremujorin e parë të këtij viti, Policia e Kosovës ka identifikuar gjithsej 77 fëmijë lëmoshë-kërkues. Sipas tyre numri më i madh i tyre vijnë nga Shqipëria.