Të premten e 7 tetorit, Kuvendi i Kosovës duke filluar nga ora 10:00 do të mbajë seancën plenare ku në rend dite do të jetë interpelanca me ministrin e Financave, Hekuran Murati për çështjen: “Cenimi i të drejtave të punëtorëve në administratën shtetërore me ndalimin e pagave, si dhe presioni mbi pushtetin lokal, ndërhyrja në autonominë e komunave”.
Po ashtu, në rend dite do të jetë edhe shqyrtimi i parë i projektligjit për Institutin e Krimeve të Kryera Gjatë Luftës në Kosovë.
Pikat e tjera në rend dite
- Deklarimet jashtë rendit të ditës,
- Pyetjet parlamentare,
- Shqyrtimi i parë i Projektligjit nr.08/L-166 për Tubime Publike,
- Shqyrtimi i parë i Projektligjit nr.08/L-173 për Sigurinë Kibernetike,
- Shqyrtimi i parë i Projektligjit nr.08/L-175 për Mbrojtjen e Informacionit të Klasifikuar.
- Shqyrtimi i Propozim-rezolutës për gjendjen në sektorin e shëndetësisë.
- Shqyrtimi i Rekomandimeve lidhur me Raportin e auditimit për pasqyrat financiare të Ministrisë së Shëndetësisë për vitin 2021,
- Shqyrtimi i Rekomandimeve lidhur me Raportin e auditimit për pasqyrat financiare të Shërbimit Spitalor Klinik dhe Universitar të Kosovës për vitin 2021.