Çmimi Nobel i Paqes për këtë vit është zgjedhur aktivisti i burgosur i të drejtave të Bjellorusisë Ales Bialiatski, grupi rus Memorial dhe organizatës ukrainase Qendra për Liritë Civile dhe organizata ukrainase Qendra për Liritë Civile.
Kryetarja e Komitetit Norvegjez të Nobelit, Berit Reiss-Andersen ka thënë se paneli dëshironte të nderonte “tre kampionë të shquar të të drejtave të njeriut, demokracisë dhe bashkëjetesës paqësore në vendet fqinje Bjellorusi, Rusi dhe Ukrainë”.
“Përmes përpjekjeve të tyre të vazhdueshme në favor të vlerave njerëzore dhe antimilitarizmit dhe parimeve të ligjit, laureatët e këtij viti kanë rigjallëruar dhe nderuar vizionin e Alfred Nobelit për paqen dhe vëllazërinë midis kombeve, një vizion më i nevojshëm në botë sot,” ka theksuar ajo.
Bialiatski ishte një nga udhëheqësit e lëvizjes demokratike në Bjellorusi në mesin e viteve 1980 dhe ka vazhduar të bëjë fushatë për të drejtat e njeriut dhe liritë civile në vendin autoritar, raporton AP.
Ai ka themeluar organizatën joqeveritare Human Rights Center Viasna dhe ka fituar çmimin Right Livelihood Award, i referuar ndonjëherë si “Nobeli Alternativ”, në vitin 2020.