Me të filluar viti i ri akademik, telashe kanë dalë në një prej fakulteteve më të rëndishme të Universitetit të Prishtinës.
Fakulteti i Mjeksisë nuk po pajtohet me një rregullore të nxjerrë nga Këshilli Drejtues i Universitetit të Prishtinës, që përcakton krijimin e grupeve në studimet bachelor.
Për këtë nga Menaxhmenti i Fakultetit të Mjeksisë është kërkuar ndryshimi i kësaj rregullore pasi sipas tyre organizimi i studentëve në shtatë grupe është i pamundur të realizohet.
Por, ndryshimi i saj nuk po i konvenon Shërbimit Spitalor Klinik Universitar të Kosovës të cilëve iu duhen profesorët e Fakultetit si drejtor të klinkave në QKUK.
“Mbajtja e mësimit me numër të grupimeve në kundërshtim me rregulloren e re është sinjal që FM po kundërshton hapjen e kësaj njësie akademike për stafin akademik meritor. Ne si SHSKUK i jemi gëzuar rregullores të re nga Këshilli Drejtues i UP, sepse përmes saj do të rregullohet afatgjatë problemi me mungesën e stafit akademik me titull të profesorit në klinikat dhe institutet e SHSKUK”.
Përfillja e rregullores, do të nënkuptonte edhe shtimin e stafit akademik për të plotësuar nevojat.
Një prej tyre që është në pritje të avancimit është edhe, por që qëndrimin e Fakultetit e konsideron të pakuptimtë.
“Mbajtja e mësimit me numër të grupimeve në kundërshtim me rregulloren e re është sinjal që FM po kundërshton hapjen e kësaj njësie akademike për stafin akademik meritor. Ne si SHSKUK i jemi gëzuar rregullores të re nga Këshilli Drejtues i UP, sepse përmes saj do të rregullohet afatgjatë problemi me mungesën e stafit akademik me titull të profesorit në klinikat dhe institutet e SHSKUK”, ka theksuar Vela.
Vela paralajmëroi edhe protesta nëse nuk respektohet rregullorja.
Dyshime për rregulloren, kanë edhe organizata ORCA, që monitorojnë punën e Universitetit.
“Mbrapa kësaj qëllimi i vertetë është rregullorja është shtyrë në mënyrë të shpejtë dhe me koxha urgjencë përmes anëtarëve të vjetër të Këshillit Drejtues, qëllimi i vertetë i krejt kësaj është që kur të behet ndarja e këtyre grupeve të krijohet hapësira për angazhimin e profesorëve të rinjë në këtë fakultet”, ka thënë Dibran Hoxha nga ORCA.
Televizioni i është drejtuar rektoratit për këtë çështje por ata vetëm kanë thënë se për këtë shqetësim janë të njoftuar.
Bazuar në Statutin e UP-së dhe rregulloret në fuqi, përgjegjës për shpalljen e orarit të mësimit, organizimin dhe përcjelljen e mbarëvajtjes së procesit mësimor janë fakultetet gjegjëse. Menaxhmenti i UP-së, po ashtu, është njoftuar se edhe menaxhmenti i fakultetit edhe grupi i asistentëve kanë shprehur ankesa dhe pakënaqësi që lidhen me miratimin dhe zbatimin e Rregullores për të ardhura personale ku përcaktohet edhe ndarja e studentëve në grupe për fakultete.