Christian Dior, i njohur më shpesh si Dior, është një kompani e modës luksoze, që do të sjellë retrospektivën e tij të suksesshme në Japoni.
“Christian Dior: Designer of Dreams” do të shfaqet në Muzeun e Artit Bashkëkohor në Tokio, nga 21 dhjetori deri më 28 maj pas një debutimi shumë të suksesshëm në Paris dhe do të ndalen edhe në Londër, Shanghai, Chengdu, New York City dhe Doha.
Shfaqja do të prezantohet me një rrëfim të ri skenografik të projektuar nga arkitekti japonez Shohei Shigematsu, një partner në OMA, dhe i fokusuar nga historiania e artit dhe modës Florence Müller, për të nxjerrë në pah dhe manifestuar lidhjet mes Dior dhe Japonisë.
“Ne jemi të nderuar të krijojmë një narrativë të re hapësinore brenda Muzeut të Artit Bashkëkohor në Tokio që bazohet në marrëdhëniet e historisë së Dior me Japoninë si dhe nga kontekstet aktuale kulturore të vendit për të shfaqur vazhdimësinë krijuese të Dior në një dritë të re,” ka thënë Shigematsu në një deklaratë.
“Bashkëpunimi ynë me Dior-in nëpër qytete dhe ambiente të shumta ka qenë një mundësi emocionuese për të rimenduar dhe rikontekstualizuar vazhdimisht retrospektivën në përgjigje të mjedisit të saj specifik lokal, njëlloj si ekspedita dhe ndikimi global i Christian Dior -it,” ka shtuar ai, raporton WWD.
Ekspozita do të trajtojë dashurinë e themeluesit Christian Dior për kopshtet dhe magjepsjen e tij me pasurinë kreative të Japonisë, siç pasqyrohet në dokumentet arkivore të paparë më parë, ka thënë shtëpia franceze e modës.
Ai do të shfaqë krijime nga Dior dhe pasardhësit e tij: Yves Saint Laurent , Marc Bohan, Gianfranco Ferré, John Galliano, Raf Simons dhe Maria Grazia Chiuri.
Ato do të shfaqen së bashku me vepra nga koleksioni i MOT-së si dhe fotografi të Yuriko Takagi të realizuara posaçërisht për ekspozitën dhe posterin e saj. Shfaqja do të përfshijë gjithashtu riinterpretime të çantës Lady Dior nga projektet e mëparshme të Dior Lady Art dhe Lady Dior As Seen By, dhe zona kushtuar parfumeve Miss Dior dhe J’adore.
Müller, i cili më parë ka kuruar ekspozitat e Parisit dhe Nju Jorkut, ka thënë se Dior e admironte popullin japonez për aftësinë e tyre për të kombinuar modernizmin dhe traditën.
“Me marrëveshjet e para të nënshkruara në vitin 1953 ndërmjet Dior-it dhe kompanive japoneze të tekstilit me prestigj, ishte gjithashtu fillimi i një dialogu të frytshëm kulturor dhe artistik që jeton sot me Maria Grazia Chiuri dhe kjo ekspozitë në Muzeun e Artit Bashkëkohor në Tokio”, ka thënë ai.
Chiuri, drejtore artistike për koleksionet e grave, krijoi një koleksion kapsulë të fustaneve të modës së lartë për një ngjarje të veçantë që shënon hapjen e një dyqani në Tokio në 2017.
Ajo ka thënë se gjeti dëshmi të tërheqjes së Dior ndaj Japonisë nëpër arkiva, duke përfshirë edhe një lule qershie print nga viti 1953 dhe një xhaketë e krijuar për t’u veshur mbi një kimono, (një mantel i gjatë e i lirë me mëngë të gjera dhe i lidhur me brez, i veshur fillimisht si veshje zyrtare në Japoni dhe tani përdoret edhe tjera vende si mantel).
“Unë mendoj se ai ishte shumë i zgjuar për të kuptuar këndvështrimin e grave japoneze. Dhe kjo shpjegon edhe pse marka Dior është kaq e përhapur në mbarë botën, sepse menjëherë, Dior kuptoi lloje të ndryshme femrash”, ka thënë stilisti për WWD në atë kohë.