Stephen Curry i Golden State Warriors, pas një lëndimi që pësoi në këmbë, është në rrugën e duhur për t’u rikthyer kundër Denver Nuggets.
Pas lëndimit që pësoi kundër Boston Celtics, derisa po luftonte për një top të lirë, ishte përplasur me Marcus Smart, Curry ka humbur 12 ndeshjet e fundit të sezonit.
Shams Charania i The Athletic përmes Twitter-it ka raportuar se ai pritet të kthehet në ndeshjen kundër Nuggets.
Golden State Warriors star Stephen Curry (foot) is on track to make his return in Game 1 vs. Nuggets on Saturday as long as he clears team’s scrimmage today without issues, sources tell me and @anthonyVslater.
— Shams Charania (@ShamsCharania) April 14, 2022
Rikuperimi i Curry-it nga një ndrydhje e këmbës së majtë, do të jetë një nxitje e madhe për Warriors të cilët, deri më tani, ishin mbështetur te Klay Thompson si golashënuesi i tyre me përvojë të lartë.
Curry, shënoi mesatarisht 25.5 pikë, 6.3 asistime dhe 5.2 kërcime në 64 ndeshje.
Këtë sezon ai theu rekordin e të gjitha kohërave të NBA-së për më së shumti 3 pikësha të realizuara.