Prokuroria Themelore në Gjilan ka njoftuar se do të parashtroj ankesë ndaj Gjykatës Themelore në Pejë, për vendimin ndaj Shaban Gegajt, të dënuarin për vrasjen e Agonis Tetajt.
“Prokuroria Themelore në Gjilan, është e pakënaqur me vendimin të cilin e ka marr Gjykata Themelore në Pejë dhe pas pranimit të aktgjykimit me shkrim, brenda afatit ligjor do të ushtroj ankesë për shkak të ricilësimit juridik nga vepra penale “Vrasje e rëndë” në veprën penale “ Vrasje nga pakujdesia” dhe ndaj vendimit mbi dënimin”, thuhet në komunikatë.
Gjykata e Pejës në shpalljen e vendimit për vrasjen e Agonis Tetajt, e ka bërë ricilësimin e veprës penale, nga “Vrasje e rëndë” në Vrasje nga pakujdesia”.
Lidhur me këtë, përmes një komunikate për media, Prokuroria Themelore në Gjilan, nëpërmjet një komunikate për media ka njoftuar se brenda afatit ligjor do të parashtrojë ankesë për shkak të ricilësimit juridik nga vepra penale “Vrasje e rëndë” në veprën penale “ Vrasje nga pakujdesia” dhe ndaj vendimit mbi dënimin.
Gogaj me 5 vjet burgim është dënuar për vrasje nga pakujdesia dhe 3 vjet burgim për armëmbajtje pa leje.
Po ashtu, sipas njoftimit për media, nga Prokuroria në Gjilan thuhet se vendimi i tyre është marrë për shkak të interesimit të media-ve dhe OJQ-ve që monitorojnë Sistemin e Drejtësisë në Kosovë.
Gjithashtu, edhe ministrja e Drejtësisë, Albulena Haxhiu, e ka quajtur “skandaloz dhe të padrejtë” vendimin e Gjykatës Themelore në Pejë.
Ministrja Haxhiu e quan “skandaloz” vendimin e Gjykatës ndaj Shaban Gogajt