Në seancën plenare të së premtes së 14 tetorit, pozita dhe opozita kanë ratifikuar pesë marrëveshje ndërkombëtare.
Sa i përket ratifikimit të këtyre marrëveshjeve ndërkombëtare ka reaguar dhe shefi i Zyrës së Bashkimit Evropian në Kosovë, Tomas Szunyog.
Szunyoug përmes një postimi në Twitter ka përshëndetur miratimin e këtyre marrëveshjeve, duke thënë se në këtë mënyrë Kosova ka intensifikuar bashkëpunimin me BE-në. Mes tjerash, ai është shprehur se jam i lumtur dhe mirënjohës për këtë zhvillim.
Gjatë seancës së 14 tetorit vendimi i Këshillit të Stabilizim Asocimit, BE dhe Kosovë, është ratifikuar me 81 vota për. Në këtë seancë është ratifikuar dhe marrëveshja mes Kosovës dhe Dukatit të Madh të Luksemburgut me 85 vota për.
Po ashtu, 86 deputët kanë mbështetur amandamentin e dytë për marrëveshjen financiare mes Republikës së Kosovës për programin “IPA 2015”.
Ndërsa, marrëveshja financiare mes Kosovës dhe BE-së është ratifikuar me 85 vota për, për programin “IPA 2018”.
Mes tjerash, është ratifikuar e njëjta marrëveshje edhe për programin “IPA 2021”.