Ministria e Financave, Punës dhe Transfereve, ka bërë të ditur se pagesa për pensionistët e paraparë të bëhej të hënën, është shtyrë për të martën.
Kjo sipas ministrisë, për shkak të verifikimit të aplikuesve për masën e 100 eurove të paraparë nga Qeveria.
“Arsyeja e shtyrjes është aplikimi i shtesës prej 100 euro sipas vendimit të Qeverisë në kuadër të Pakos për Përballje me Inflacionin, për të cilën ka qenë i nevojshëm një proces shtesë verifikimi”, thuhet në njoftim.
Sipas njoftimit, ministria në fjalë është duke punuar “intenzivisht ashtu që ekzekutimi i pensioneve me shtesën prej 100 euro të bëhet nesër që në sesionin e paradites”.