64 mijë e 350 litra të produktit të Coca-Colas, janë konfiskuar nga Dogana e Kosovës, këtë të martë.
Këto sasi të këtij produkti, sipas njoftimit të doganës kanë qenë të falsifikuara.
Pas konfirmimit të bartësit të së drejtës se mallrat e ndaluara janë të falsifikuara, Dogana e Kosovës ka konfiskuar mallrat në sasi prej 64 mijë e 350 litra, me markën tregtare “Coca Cola” dhe origjinë nga Iraku. Sipas dispozitave ligjore në fuqi malli i falsifikuar nuk lejohet të dal në qarkullim të lirë, andaj malli i konfiskuar do ti nënshtrohet procesit të asgjësimit”, thuhet në njoftim.
Produktet e falsifikuara sipas doganës së Kosovës, paraqesin rrezik për shëndetin e qytetarëve.
“Mallrat që shkelin të drejtën e pronësisë intelektuale (DPI), në të shumtën e rasteve paraqesin rrezik për shëndetin e qytetarëve dhe zbatimi efikas i të drejtave të pronësisë intelektuale ndikon pozitivisht edhe ne mbrojtjen e shëndetit dhe sigurinë publike”, thuhet në njoftim.
Dogana e Kosovës, bëri të ditur se do të vazhdoj të ushtroj kontroll për parandalimin e veprimtarive të ngjashme ilegale.