Ish-sulmuesi japonez Masato Kudo ka vdekur në moshën 32-vjeçare pas një operacioni në tru.
Kudo, i cili po luante për klubin japonez të nivelit të tretë Tegevajaro Miyazaki, u sëmur më 2 tetor dhe u diagnostikua me hidrocefalus, një grumbullim i lëngjeve në barkushet në tru.
Ish-sulmuesi më parë ka luajtur për Kashiwa Reysol, Vancouver Whitecaps, Sanfrecce Hiroshima dhe Brisbane Roar.
“Ne jemi të shkatërruar që një lojtar kaq i madh ka ndërruar jetë kaq herët. Ai luajti për Japoninë dhe kishte një histori të shkëlqyer, por qëndroi i përulur”.
“Ai kishte një qëndrim të mrekullueshëm dhe kujdesej për shokët e tij të skuadrës, klubin dhe mbështetësit”, thuhet në një deklaratë të Tegevajaro Miyazaki, raporton BBC, përcjell portali Dukagjini.
Kudo ka shënuar gjashtë gola në 12 ndeshje gjatë garës së Kashiwa Reysol në gjysmëfinalet e Ligës së Kampionëve të Azisë në vitin 2013 dhe shënoi dy herë në katër paraqitje për Japoninë atë vit.