Ish-kryeministri i Kosovës, Ramush Haradinaj, ka folur për marrëveshjen përfundimtare në mes të Kosovës dhe Serbisë, ku ka thënë se kjo marrëveshje do t’i rregullonte marrëdhëniet ndërmjet të dyja vendeve.
Më tej, i pari i Aleancës për Ardhmërinë e Kosovës, gjatë një tubimi me qytetarët e Deçanit, ka treguar se ai ka qenë i angazhuar teshë një vite për të dhënë kontributin e tij për marrëveshjen finale në mes të Kosovës dhe Serbisë.
“Ka mbi një vit që punohet për Marrëveshjen përfundimtare ligjërisht të obligueshme për njohjen reciproke ndërmjet Kosovës dhe Serbisë”, ka thënë Haradinaj.
“Qytetarët në Deçan, i sigurova se marrëveshja do të rregullojë raportet mes Kosovës dhe Serbisë si dy shtete të pavarura, dhe është interes i Kosovës përfshirja amerikane në këtë proces si dhe që të përshpejtojë rrugën e saj drejt NATO-s”, ka shtuar ai.
Ai ka theksuar shqetësimet e qytetarëve për gjendjen ekonomike, krizën energjetike në Kosovë.