Agjencia e lajmeve Reuters në një artikull publikuar për situatën në Veri të Kosovës. Ka shkruar për serbët në veri të Kosovës të cilët shtunën vendosën të largoheshin nga postet e tyre në institucionet shtetërore, përfshirë qeverinë, policinë dhe gjykatat, për të protestuar ndaj urdhrit të Prishtinës që ata të fillojnë të përdorin targat e automjeteve të Kosovës.
Pas vendimit për bojkotim të institucioneve, policët zhveshin uniformat (VIDEO)
Pra, sa i përket zyrtarëve policorë të cilët janë larguar në postet e tyre, Reuters ka kontaktuar më një zyrtar nga ministria e Punëve të Brendshme të Kosovës i cili foli në kushte anonimiteti, i tha Reuters se disa njësi policore po zgjasin turnet deri në 12 orë nga tetë normale për të kompensuar mungesën e oficerëve serbë.
Ndërkaq, Blerim Vela, shefi i shtabit të Presidentes së Kosovës, Vjosa Osmani, shkroi në Twitter se Beogradi “po i detyron dhe nxit serbët e Kosovës të braktisin punën e tyre në institucionet e Kosovës”.
Në Serbi, kryeministrja Ana Bërnabiq tha se qeveria e saj “qëndron pranë popullit tonë trim dhe krenar në Kosovë”.
Qeveria e Kosovës ka thënë se do të fillojë të shqiptojë gjoba këtë muaj për shoferët serbë që përdorin targa të vjetra të para-pavarësisë, dhe do të konfiskojë automjetet të cilave nuk u është ndryshuar numri i regjistrimit deri më 21 prill 2023.
Mbështetësit kryesorë të Kosovës, Shtetet e Bashkuara dhe Bashkimi Evropian, i kanë kërkuar Kurtit që të shtyjë zbatimin e vendimit të targave të veturave edhe për 10 muaj të tjerë, por ai ka refuzuar.
Kurti: Presidenti i Serbisë i ka gënjyer dhe ka zhgënjyer amerikanët e evropianët