Të enjten e 10 nëntorit, Kuvendi i Kosovës do të mbajë seancën e radhës, ku në rend dite janë paraparë 20 pika.
Një ndër pikat e rendit të ditës në këtë seancë do të jetë edhe raporti vjetor i Bankës Qendrore të Kosovës.
Në njoftimin e zyrës së kuvendit thuhet se pjesë e rendit të ditës do të jenë këto shqyrtime.
“Shqyrtimi i Propozim-rezolutës kundër sulmeve ndaj integritetit seksual, shqyrtimi i dytë i Projektligji nr. 08/L-156 për ndryshimin dhe plotësimin e Ligjit nr.06/L-124 për Shërbim në Forcën e Sigurisë së Kosovës, shqyrtimi i dytë i Projektligji nr. 08/L-157 për ndryshimin dhe plotësimin e Ligjit nr.06/L-123 për Forcën e Sigurisë së Kosovës, shqyrtimi i dytë i Projektligji nr. 08/L-158 për ndryshimin dhe plotësimin e Ligjit nr.06/L-122 për Ministrinë e Mbrojtjes”, thuhet në njoftim.
“Shqyrtimi i parë i Projektligjit nr.08/L-176 për ndryshimin dhe plotësimin e ligjeve që përmbajnë procedura të veçanta administrative dhe harmonizimin e tyre me Ligjin nr. 05/L-031 për procedurën e përgjithshme administrative, shqyrtimi i parë i Projektligjit nr.08/L-180 për plotësimin dhe ndryshimin e Ligjit Nr. 06/L-048 për Këshillin e Pavarur Mbikëqyrës për Shërbimin Civil të Kosovës, shqyrtimi i parë i Projektligjit nr.08/L-167 për Prokurorin e Shtetit, shqyrtimi i parë i Projektligjit nr.08/L-168 për Prokurorinë Speciale, shqyrtimi i parë i Projektligjit nr.08/L-187 për plotësimin dhe ndryshimin e Kodit nr. 08/L-032 të Procedurës Penale”, vijon njoftimi.
Gjatë seancës do të shqyrtohet edhe projektligji për plotësimin dhe ndryshimin e Kodit nr. 06/L-074 Penal i Republikës së Kosovës.
Pos këtyre, do të hedhet në shqyrtim të parë edhe projektligji për ndryshimin dhe plotësimin e Ligjit nr.06/L-024 për trajtimin e ndërtimeve pa leje.
“Shqyrtimi i kërkesës së Fondit të Kursimeve Pensionale për caktimin e taksave vjetore për vitin 2023, shqyrtimi i Raportit vjetor të Bankës Qendrore të Republikës së Kosovës për vitin 2021, shqyrtimi i Raportit vjetor të Këshillit të Pavarur Mbikëqyrës për Shërbimin Civil të Kosovës për vitin 2021, shqyrtimi i Raportit vjetor të Autoritetit Kosovar të Konkurrencës për vitin 2021”.
“Shqyrtimi i Propozim të Qeverisë së Republikës së Kosovës, nr.09/99 datë 30 shtator 2022, për zgjedhjen e Komisionit Qendror të Regjistrimit të Popullsisë, Ekonomive Familjare dhe Banesave, shqyrtimi i rekomandimeve të dala nga shqyrtimi i Raportit të Auditimit për pasqyrat financiare vjetore të Telekomit të Kosovës për vitin 2021”.