Këshilltari i presidentit të Ukrainës, Mykhailo Podolyak ka thënë se sulmi me raketa në Poloni nuk ishte një aksidental, por një “përshëndetje” e dërguar nga Rusia.
Raketat ruse kanë goditur dy persona në Poloni, ka bërë të ditur zyrtari i lartë i intelegjencës amerikane. Pas kësaj, Podolyak ka thënë se regjimi terrorist rus duhet të ndalet.
“Sulmet në territorin e Polonisë – jo aksident, por një ‘përshëndetje’ e qëllimshme e planifikuar nga Rusia, e maskuar si ‘gabim’. Kjo ndodh kur djalli shkon pa u ndëshkuar dhe politikanët angazhohen në ‘paqësim’ të agresorit. Regjimi terrorist rus duhet të ndalohet. Ngushëllime viktimave”, ka shkruar Podolyak, në Twitter.
Strikes on 🇵🇱 territory — not an accident, but a deliberately planned "hello" from RF, disguised as a "mistake". It happens when evil goes unpunished & politicians engage in "pacification" of aggressor. Ru-terrorist regime must be stopped. Condolences to the victims' relatives.
— Михайло Подоляк (@Podolyak_M) November 15, 2022
Mediat polake raportuan se dy persona vdiqën të martën pasdite pasi një predhë goditi një zonë ku po thahej gruri në Przewodow, një fshat polak pranë kufirit me Ukrainën.
Kjo ishte hera e parë që raketat ruse kanë rënë në Poloni.
Ndërkaq, NATO po koordinohet me Poloninë pas sulmit të raketave ruse kundër kësaj të fundit. Një gjë të tillë e ka thënë për BBC-në një zyrtar i NATO-s, i cili tha se po shqyrtojnë raportet me aleatin e ngushtë, Poloninë.