Ministrja e Punëve të Jashtme dhe Diasporës, Donika Gërvalla –Schwarz ka dënuar sulmet e raportuara me raketa ruse në Poloni.
Përmes një postimi në Twitter, Gërvalla ka thënë se Kosova qëndron me Poloninë kundër regjimit të presidentit të Rusisë, Putin dhe krahas kësaj, ajo ka thënë se BE-ja duhet të jetë më e vendosur për ta ndaluar atë.
“Ne vajtojmë humbjen e jetëve të pafajshme polake që janë vrarë nga raketat ruse. Mendimet tona janë me familjet, Kosova qëndron me Poloninë kundër regjimit të Putinit. BE-ja duhet të veprojë shumë më e vendosur për të ndaluar Putinin përpara se ai dhe përfaqësuesit e tij të sjellin luftë në të gjithë kontinentin”.
We mourn the loss of innocent Polish lives who have been killed by Russian rockets.
Our thoughts are with the families, 🇽🇰 stands with 🇵🇱 against Putin's regime.
🇪🇺 has to act much more determined to stop Putin before he and his proxies bring war over the whole continent.— Donika Gërvalla-Schwarz (@gervallaschwarz) November 15, 2022
Mediat polake raportuan se dy persona vdiqën të martën pasdite pasi një predhë goditi një zonë ku po thahej gruri në Przewodow, një fshat polak pranë kufirit me Ukrainën.
Kjo ishte hera e parë që raketat ruse kanë rënë në Poloni.
Ndërkaq, NATO po koordinohet me Poloninë pas sulmit të raketave ruse kundër kësaj të fundit. Një gjë të tillë e ka thënë për BBC-në një zyrtar i NATO-s, i cili tha se po shqyrtojnë raportet me aleatin e ngushtë, Poloninë.